Kroz korizmu su se školari i školarice osnovne škole Veliki Borištof bavila tematikom „post“. Ča znači post za mene? Odreći se ili odustati od čega? Ili znam i nešto darovati drugomu? Dar, ki se ne triba skupo platiti ... i tako postati svitlo drugomu ili bližnjemu.
 

Poslidnje dvi ure pred vazmenimi prazniki bio je cilj, doživiti i razumiti značenje svitla i radosti Jezuševoga goristanja. Školari su izrazili, ča znači svitlost i radost svakomu od njih posebno. Razgovaralo se je potom o značenju vazmene sviće. Ki simboli se vidu na vazmenoj svići. Dica du doznala, da se svaka krsna svića na njoj nažge i da vazmena svića stoji cijelo ljeto u crikvi.
 

Svaki školar i svaka školarica je napravil/a svoju malu vazmenu sviću. Tako moru doprimiti vazmeno svitlo domom, na vazmeni stol u krugu svojih familijov pri vazmenom ručenju na Vazmenu nedilju.

Vazmeni oganj je oganj radosti, ar Jezuš nam je svojom smrćom darovao novi život. Jezuš veli: “Ja sam svitlost svita.” (Iv 8,12)

Svitli hipci, ki daju hrabrost, radost i orijentaciju u teški časi ili hipci žitka, su apsolutno potribni za ljudski život. Vazam je Božje obećanje, da će biti uvijek dani sa svitlimi hipci u našem životu.

Slike: Sinković Elke